WordPress framhaldsnámskeið

Framhaldsnámskeið í WordPress verður haldið fimmtudaginn. 7. og mánudaginn 11. apríl kl. 15:00 – 19:00  hjá Endurmenntun Háskóla Íslands.

Á námskeiðinu er farið nánar í það hvernig sníða má WordPress vefi frekar að eigin þörfum með því að notast við WordPress viðbætur (e. Plugins) og nemendur fá einnig að prófa hvernig má sníða til stílsnið (e. themes) með því að nota CSS.

Á meðal þess sem verður farið yfir á námskeiðinu:

  • Hvernig hýsa má eigin vef í WordPress og hvernig sníða má vefinn frekar að eigin þörfum
  • Hvernig hægt er að nýta sér stílsnið til að breyta viðmóti og virkni
  • Hvernig hægt er að nota viðbætur (e. plugins) og ýmsa sérvirkni til að sérsníða WordPress.org kerfið enn frekar

Notast verður við plugin eins og Jetpack frá Automattic og fleiri. Ætlast er til að nemendur hafi góða grunnþekkingu á WordPress kerfinu, en kennt verður á kerfið miðað við hýsingu á WordPress.org kerfinu. Nemendum er útveguð ókeypis prufuhýsing á meðan námskeiðinu stendur.

Umsagnir ánægðra þátttakenda
“Námskeiðið fær fullt hús stiga”

Skráning og nánari upplýsingar á vef EHI

Nýjungar frá Jetpack

Jetpack gáfu nýlega út útgáfu 3.2. Meðal nýjunga eru nokkrar betrumbætur á hraða og hvernig JetPack höndlar með ýmsa virkni eins og t.d. að sækja skyldar færslur (e. related posts). Þetta skiptir ekki svo litlu máli, en þekkt er að Google umbunar vefjum sem innihalda gott efni sérstaklega ef þeir eru líka hraðvirkir. Annað áhugavert eru mælingar sem sýna að auka má lestur á vef með því að birta notandanum tillögur að efni sem hann gæti haft áhuga á. Related posts virkar þannig að Jetpack fer yfir allar færslurnar á vefnum þínum, greinir þær og birtir aðrar færslur eftir skyldleika. Á vef Jetpack má meðal annars lesa sér til um það að margir af þeim vefjum sem hafa sett inn viðbótina hafi séð mikla aukningu í flettingum.

Sem dæmi má nefna að greina mátti aukningu upp á 79% á heimsóknum þar sem notandi smellir á fleiri greinar þegar bornar voru saman síður með og án virkninnar.  Það væri fróðlegt að sjá hvort hægt væri að ná svipaðri aukningu íslenskum vefjum.

Mynd: Jetpack.me

Mynd: Jetpack.me

Allt það besta frá WordPress.com

jetpack

Það fyrsta sem margir taka eftir þegar þeir fara frá því að smíða vef á WordPress.com yfir í að smíða WordPress.org vef á eigin hýsingu er að margar þær einföldu viðbætur sem eru innbyggðar á WordPress.com eru ekki lengur sýnilegar.

Fyrir þá sem ekki þekkja Jetpack þá inniheldur viðbótin í raun safn viðbóta (e. plugins) frá WordPress.com. Mætti segja að viðbótin innihaldi margt það besta sem WordPress.com hefur upp á að bjóða. Með því að sækja viðbótina má því nýta sér þessar sömu viðbætur, ásamt því að halda í sveigjanleikann sem fylgir því að hýsa WordPress vefinn sjálfur.

Viðbótina má sækja ókeypis hér eða leita eftir “Jetpack” undir Plugins > Add plugin. Athugið að Jetpack er í stöðugri þróun og því viðbúið að viðbótin gæti mögulega lent í árekstrum við einhverja af þeim viðbótum sem þegar eru í notkun á vefnum. Besta ráðið er því oft að byrja með eins fáar viðbætur og hægt er og bæta síðan í eftir þörfum.

Jetpack í hnotskurn

Publicize

Tengir vefinn þinn við Facebook, Twitter, LinkedIn og fleiri vinsæla samfélagsmiðla þannig að þegar færslan (e. post) er gefin út fer hún samstundis á þá samfélagsmiðla sem hafa verið tengdir Publicize.

WordPress Stats

Einföld tölfræði (e. analytics) eins og við þekkjum hana frá WordPress.com. Sýnir okkur hvaða síður og færslur er mest skoðaðar, hvaðan gestir á vefinn eru að koma og eftir hvaða leitarorðum á Google þeir hafa rambað inn á vefinn okkar.

Notifications

Tilkynningar frá öllum okkar WordPress vefjum, óháð hýsingu, á einn stað.

Comments

Tekur yfir þekkta “leave a reply” athugasemdakerfið í WordPress með öðru athugasemdakerfi sem getur auðkennt beint út frá Facebook og Twitter aðgangi.

Continue reading