Að breyta stílsniði (e. theme) í WordPress

Fyrir þá sem eru með WordPress vef og vilja sérsníða stílsniðið (e. theme) enn frekar er Inspect Element eitt af þessum ómissandi tólum í verkfærakistunni. Með Inspect Element getum við breytt stílsniði á vefnum með því að breyta eða bæta við CSS kóða í því theme sem virkt er hverju sinni. Þannig er hægt að fikra sig áfram og sjá breytingarnarnar í vafranum án þess að eiga á hættu að skemma nokkuð.

Continue reading

Stjórnaðu hvaða mynd WordPress birtir efst á síðunni

Oft er spurt um það á námskeiðum hvernig má stjórna því hvaða mynd birtist efst á hverri síðu. Flestir þekkja hvernig má skipti út mynd í síðuhausnum eða birta myndir í tilviljanakendri röð (e. random). Lausnin sem WordPress bíður upp á við þessu nefnist „Featured Header image“ og er afar einföld í notkun. Áður en við getum nýtt okkur þessa virkni er þó rétt að athuga hvort stílsniðið sem við erum að nota býður upp á þennan stuðning.

Til að setja inn er valin sú síða sem myndin á að birtast á. Smellt á Pages > All pages > Edit page. Þar næst er  smellt á „Featured Image“ til að velja mynd. Athuga þarf að myndin sé nógu stór til að fylla í plássið sem stílsniðið hefur skilgreint fyrir efstu myndina að öðrum kosti birtist myndin ekki.

Virkjað er í gegnum “add an image” í tækjastikunni í ritlinum á síðunni. Þar þarf að smella á „Use as featured image“.

Mörg stílsnið styðja þessa virkni. Á WordPress.com eru til dæmis nokkur ókeypis stílsnið sem má prófa sig áfram með.

Fyrir þá sem eru með eigin hýsingu (.org) og vilja prófa sig áfram þá er til viðbót sem heitir Dynamic Headers og hefur verið að reynast nokkuð vel.

Er góð hugmynd að leita að fríum stílsniðum (e. themes) á Google?

Í nýlegum pistli hjá wpmu.org er farið yfir hætturnar í því að nota frí stílsnið sem koma upp efst í Google leitarniðurstöðum. Enginn skortur er á fjölda niðurstaða þegar leitað er að fríum WordPress stílsniðum (e. free WordPress themes) í Google leitarvélinni og greinilegt er að rekstraraðilar þeirra sem verma efstu sætin hafa lagt mikla vinnu í leitarvélabestun til að ná efstu sætum.

Greinarhöfundur prófaði að sækja stílsnið frá vef sem er í 1. sæti í leitarniðurstöðum. Engum blöðum um það er að fletta að sú þema innihélt falda tengla í síðufæti sem vísuðu á ókunna síðu þar sem mátt nálgast hugbúnað af ýmsu tagi.

Þetta var bara eitt dæmi af mörgum sem mörg hver voru mun svæsnari. Flest áttu það sameiginlegt að verið var að fela tengla í stílsniðum til að hjálpa 3. aðila að skora hærra í Google leitarniðurstöðum. Slíkt fellur ekki sérlega vel að skilmálum Google (e. Google Webmaster Guidelines) um gagnsæi og góð vinnubrögð í rekstri og uppsetningu vefja, auk þess sem faldir tenglar eru ekki til þess að auka trúverðurleika og öryggi vefja í WordPress vefumsjónarkerfinu.

Ef þú ert í vafa hvort einhvert stílsnið innihaldi óæskilegan kóða er hægt að nýta sér TAC (Theme Authenticity Checker) viðbótina til að skanna í gegnum kóða í stílsniðum.

Nánar á wpmu.org.