WordPress vefur á mörgum tungumálum

Uppfært 27.09.2015 – Polylang bætt við þýðingarviðbætur.

Með aukinni útbreiðslu og vinsældum WordPress eykst þörfin á ýmsum viðbótum. Eitt af því sem margir velta fyrir sér er hvernig við gefum út WordPress vef á fleiri en einu tungumáli eða leyfum notandanum að velja tungumál á einfaldan hátt, t.d með því að smella á fána á heimasíðunni.

Áður en farið er af stað í slíkar æfingar væri ágætt að staldra við og skoða hver markhópurinn er, hvert er fyrsta (e. primary) tungumál á vefnum og hvort æskilegt er að setja upp sér vef fyrir hvert tungumál. Einnig væri vert að skoða hvaða áhrif þetta hefði á leitarniðurstöður í Google. Það að gera vef eða vefi á fleiri en einu tungumáli er því ekki einungis tæknileg áskorun.

qTranslate skjámynd

qTranslate í WordPress ritlinum – Mynd frá WordPress.org

Við gætum tekið dæmi þar sem kynna þarf vöru/þjónustu á þremur tungumálum og bæði viðskiptalegir og markaðslegir hagsmunir gerðu þær kröfur að kynna þyrfti vöruna á ólíkan hátt eftir markaðssvæðum, t.d. með mismunandi verði, áherslum og ímynd.

Skoðum nokkrar ólíkar nálganir, hvernig mætti útfæra þær og kosti/galla.

Continue reading

Ný námskeið í WordPress

Í febrúar og mars hefjast ný námskeið í WordPress. Í fyrsta skipti verður einnig boðið upp á framhaldsnámskeið.

WordPress – Byrjendanámskeið

Dags.: 10., 11. og 18. febrúar 2012 hjá EHÍ – Endurmenntun Háskóla Íslands

Byrjendanámskeiðið í WordPress verður á sínum stað. Að þessu sinni er búið að bæta við einum aukadegi sem verður að hluta til notaður í vinnustofu.

WordPress – Framhaldsnámskeið

Dags.: 9., 10. og 17. mars 2012 hjá EHÍ – Endurmenntun Háskóla Íslands

Í fyrsta sinn verður boðið upp á framhaldsnámskeið. Á námskeiðinu verður farið yfir hvernig hýsa má eigin vef í WordPress og hvernig sníða má vefinn að eigin þörfum. Þá er fjallað nánar um hvernig hægt er að nýta sér stílsnið til að breyta viðmóti og virkni og hvernig má nýta sér vinsælustu viðbætur (e. plugins) og ýmsa sérvirkni fyrir WordPress. Farið er yfir nokkur einföld öryggisatriði í WordPress og helstu kosti varðandi hýsingu og lén.

Gert er ráð fyrir að þátttakendur hafi grunnþekkingu á WordPress kerfinu eða lokið byrjendanámskeiðinu í WordPress og mæti með eigin fartölvu á námskeiðið.

Nánar um námskeiðin